خوخه وهي توزع الكروت: “جاهزين؟ كل واحد منكم بيستلم كرته، لا يوري أحد، ولا يحاول يلمّح. نبي الصدق… والكذب بعد.”
سما: “اللعبة بسيطة، ٣ ذيابه وسطكم، والباقي قرويين. كل جولة فيها ليل ونهار
النهار بنسألكم سؤال، ونبي منكم تصويت: مين تتوقعون الذيب؟ وبالليل جولة الذيابه يختارون أحد يقتلونه
لونا: لو انتم قتلتوا ٢ ذيابه يموت الذيب الثالث مجاناً لكن لو فازوا الذيابه … سلم ع الشهدا اللي معاك!
الجولة الأولى: الشك يبدأ
الكل يستلم الكروت… نظرات سريعة، توتر.
توكس يناظر كويتي: أنا حاس إنك الذيب، لأنك ساكت.
كويتي: سكوتي ذكاء، مو ذيبنة.
بتول: أنا متأكدة إن توكس ذيب… من عرفته وهو يحاول يلبّس التهم.
توكس: !!! يا بنت ليه دايم ضدي!”
مرعي: أنا أقول نبدأ نصوت، يمكن نضبطها من أول محاولة ونطلع الذيب.
يصوتون كلهم على … توكس ويتم طرده!!!.
خوخه ميته ضحك: خطأ! توكس كان قروي… ومسكين ما سوى شي.”
توكس: تباً لكم! حتى باللعبة تقلبون ضدي.
الليل ينزل…
سما: “الذيب يرفع يده… ويختار ضحيته بدون صوت.”
الجولة الثانية: أول ضحية
الصباح يطلع… ويفتقدون نودي.
رندا: “لاااا! نودي كانت بريئة!”
نوف: “واضح إن الذيب هذا لعيب عرف يختار من يقتل.”
داف: “أنا ما راح أسكت، واضح إن فيه شخص بينهم يضحك زيادة عن اللزوم عشان يغطي على نفسه.”
سارة: “يعني تقصد بتول؟”
بتول: “وش دخّلني يا فاهيه؟! أصلاً أنا معروفة بضحكتي حتى وأنا بريئة.”
داف يناظر سارة: “أنا حاس إنك إنتي الذئبة …
وقت التصويت، .. الكل صوّت على … رندا.
خوخه: “آآآه، برضو غلط! رندا كانت قروية يادلوخ"
رندا: “يعني إذا كنت أزعجكم شوي تطردوني؟ مير الله لا يوفقكم!”
الجولة الثالثة: الضغوط تزداد
الليل ينزل… ويفقدون كويتي هالمرة.
اللعبة بدأت تصير توتر حقيقي، والكل يحس إن نظرات الشك تزيد.
لونا: “باقي لكم محاولة واحدة بس… وإلا بتخسرون.”
مرعي: “أنا شاك في نوف، وسارة… لكن بعد فيه شي غريب في خوخه، وش سر حماسها الزايد؟”
خوخه: “أنا فقط المضيفة…لاتبنون على حماسي شي.
داف: “يا جماعة نركز شوي"
أحمد إروين: “أنا بقول الديب هيّ نوف. ساكتة زيادة، وتحلل زيادة .
يتفقون انهم يصوتون… ويطلعون نوف.
خوخه : “أوووووه! وأخيرًا! نوف كانت الذيبه فعلاً!”
الكل يتنفس الصعداء… لكن سما تقاطعهم:
سما: “بس ترى باقي اثنين ذيابه… اللعبة ما خلصت.”
الجولة الرابعة: القرار الصعب
هالمرة، الكل يسكت… ويبدأ يشك في أقرب شخص له. ساره تناظر بتول، داف يناظر أحمد، طيف تراقب مرعي.
بتول: “أنا تعبت من الظلم… إذا طلعت ذيبه، امسحوا كل الرياكشنات اللي بجوالي.”
داف: “أنا ما أبي شي، بس إذا طلعت بتول ذيب، بقلب القروب على راس كويتي.”
التصويت النهائي…
اتفقوا انهم يطردون سارة.
لونا وهي تصفق: “وأخيييرًاااا! فزتوا يا أهل القرية! الذئاب كانوا نوف وسارة وطيف!”
الكل يصيح: “وش؟! طيف بعد؟”
طيوف: “والله ما كنت أبي أقول، بس عشت الدور وتحمست… بس عاد لعبتها صح ولا لا؟
داف معصب: بغينا نروح مقلقل أوادم كله بسببك !
خوخه: “فزتوا، يعني تستاهلون اننا ندلكم على الطريق الصح . بس ترى مو كل مرة تضيعون بيجي أحد يدلكم؟
.
.
تعليقات
إرسال تعليق