المكان: أرض الفلاهالا – الساحة الخلفية للمعبد الغريب
الزمان: 11:45 صباحاً
الوضع: نوف، كويتي، مرعي وبتول جالسين يحاولون يفهمون كيف الزمن قاعد يضرب فيهم من كل زاوية…
مرعي: يا جماعة الوضع قاعد يطلع عن السيطرة، ينعن ابو الآله اللي كل شوي ساحبه لنا أحد !!
كويتي: ياخي ما غير نستقبل ضيوف، صار المكان كنه بينقو الاهداء
نوف: (تكتب ملاحظات في اللابتوب) إذا استمر الوضع كذا، خلال ٣ ساعات بيجينا كامل القروب
وفجأة…
تطلع موجة هوا قوية، والأرض تهتز، وأصوات غريبة تطلع من جهة البوابة الخلفية.
الكل يوقف ويمد نظره الى المصدر…
بتول: استعدوا، يمكن ديناصور، يمكن شخص ثاني، يمكن رندا
فجأة يفتح الباب الخلفي بقوة
ويطلع منه دخان وبخار، ومع كل خطوة نسمع صوت كعب عالي يضرب الأرض بقوة…
وتطلع من البوابة رندا… لابسة ترتر ، ومعها شنطة سفر، وبيدها عصا بلياردو غريبة!
رندا: واو واو واو … اشتقتوا لي؟
كويتي يهمس لمرعي: والله ما اشتقنا، بس خايف اقول واندم بعدين
رندا: وش ذا المكان؟ وأنتو وش تسوون هنا؟ والأهم… وين كويتي؟
كويتي يرفع يده بنص توتر: هنا
رندا: كنت أعرف إن قلبي ما يخيبني، دايم يوديني لأعز الناس ،
بتول:ترا مافيه مطاعم هنا ارتاحي !
رندا تتقدم بثقة
وتحط شنطتها، وتفتحها… وتطلع منها أشياء غريبة:
بطارية سيارة، فرشة شعر، خرز ملون، وكتاب عنوانه “كيف تسافر عبر الزمن وتحافظ على ستايلك؟
نوف مصدومه: من وين جبتي ذا؟
رندا: من كوكب اسمه “كوتيريا”، سحبني الزمن هناك بالغلط، بس شفت فيه حضارات متطورة، تعلمت منهم شوية خرابيط وجيتكم
مرعي: يعني عندك أدوات نقدر نصلّح فيها الآلة؟
رندا: أكثر من كذا… أنا جايه أخترع آلة جديدة، ونسوي سباق زمني بيننا وبين الوقت نفسه
كويتي: انتي وش تشربين؟
رندا: عصير كواكب… أعطيك؟ فيه توت كوكب بلوتو
الجماعة يقعدون، وكل واحد يطالع الثاني بعيون مستغربة من كمية الجنون اللي صاير حولهم، بس الكل يعرف إن وجود رندا يعني… مغامرة جديدة بتبدأ.
رندا: أنا عندي خطة نرجّع فيها الزمن لمكانه، بس نحتاج الباقين يكتملون… وين الباقين ؟
نوف تقرأ من اللابتوب: فيه إشارات زمنية قرب الغابة… أتوقع بوابة ثانية بتفتح
رندا: جهزوا أنفسكم… الجولة الثانية بتبدأ
تعليقات
إرسال تعليق