المكان: عمق الغابة الزمنية
الزمان: 3:13 عصرًا
الوضع: توكس يهاوش كويتي عن سبب وجوده، ورندا جالسة تسوي شعر بتول بدبابيس الزمن، ومرعي يكلم نوف عن النظرية الزمنية اللي ربطتهم كلهم… والجوّ صار هادي بزيادة…
فجأة…
تنقلب الأجواء
الطيور تطير من الأشجار، الأرض تهتز، والسماء تصير رمادية…
ضباب أسود يزحف من بين الأشجار… والهواء يبرد فجأة كأنهم دخلوا في ثلاجة الزمن.
نوف: فيه شي جاي…
توكس: أكيد روبوت ثاني؟
رندا: لا… لا… هذي طاقة ما عرفتها إلا من هالعيون…
كويتي: لا تقولين…
رندا: جايه… سارة جايه…
صوت خطوات ثقيلة تقطع الهدوء
الكل واقف في مكانه، العيون على اتجاه الصوت، والقلوب تدق…
وفجأة تطلع من بين الضباب شخصية متوسطة الطول، تمشي بثبات، لابسة فستان موف ومعطف فضائي طويل، نظراتها حادة ووجهها بارد كأنها طالع من فلم تحقيق.
سارة: ما شاء الله… تجمعتم قبل ما أجي؟ دايم كذا تبدون ما تعلموني؟
توكس: ومن أنتي بالله؟
سارة تلتفت عليه بنظرة تصمت فيها الطبيعة كلها
سارة: أنت آخر من يسأل… يا مراهق التايم لاين
توكس: هااااه؟
سارة: كنت أراقبكم من أول لحظة… كل واحد فيكم تحرك بطريقة حمقاء، وهذا اللي خرب توازن الزمن
بتول: لا تحطينها علينا، انتي اللي دايم تشوفين نفسك فوق الكل
سارة: لأنكم تحت، مو ذنبي
مرعي: طيب بس سؤال… انتي كيف جيتي؟
سارة: تقرب منه ببطء، وتبتسم ابتسامة باردة
أنا ما جيت الزمن نفسه انفتح لي !
أنا اللي صممت الفتحة اللي سحبت توكس… واللي خليت نوف تطلع من القروب وتطيح معكم
نوف: لا مستحيل…
سارة: مصدومة نوفتي؟ المفاجأة ما بدت للحين تووك ماشفتي شي
كويتي: طيب وش تبين بالضبط؟
سارة: أبغى أرجع، بس مو لحالي… أبغاكم كلكم ترجعون… عشان أقدر أوقف اللي بيصير
رندا: وش بيصير؟
سارة: آلة الزمن ما كانت عبث… لما انفجرت، فتحت بوابة لعدو من المستقبل… شخص نعرفه، بس ما نذكره…
بتول: أنا خفت… ودي أرجع لقروب بلاتو
سارة: مافي رجعة بدون قتال… لازم نوقف اللي جاي
مرعي: منهو اللي جاي؟
سارة: آدم
تنتهي الحلقة على وجه سارة، وهي تطالعهم بنظرة فيها خوف دفين، مو على نفسها… على الجميع
تعليقات
إرسال تعليق