المكان: عند سفح الجبل، بعد ما عبروا الغابة المظلمة ومعهم الجهاز اللي عطاهم رأفت، يمشون بتعب ووجيهم مليانة غبار وتعب الرحلة.
مرعي: بديت أحس إننا نلفّ حول نفسنا… شكلنا ضيعنا وش رايكم نوقف شوي؟
نوف: اتفق، بس اشوف كويتي شادها ما راح يرضى نوقف
كويتي وهو يشوف الخريطة: إذا وقفنا،، الزمن ما راح يوقف معنا. خلونا نمشي بس ماعندنا وقت!
فجأة، ينسمع صوت موسيقى غريبة وكأنها جاية من فوق الجبل، ومعها ضحك متكرر… الكل يلتفت.
داف: “وش ذا، لا تقولون جنّ!”
فجأة، من بين الغبار والدخان، تظهر ثلاث بنات ما بينهم أي شبه في الشكل، خوخه، لونا، وسما… الثلاثي المرح!
خوخه : “هلا والله بالقروب التعبان! توّكم توصلون؟ تأخرتوا مرة.”
لونا: “كأنكم ضايعين… تبون أحد ينقذكم؟ ولا نخليكم تتخبطون شوي زيادة؟”
سما : هم ضايعين بس مستحين يقولون انهم ضايعين…
رندا: “صراحه اي والله ضيعنا الطريق، معكم شي؟ طاقة؟ معلومات؟ خريطة؟”
توكس : حنا للحين ما عرفنا نواياكم؟ انتم معنا؟ او ضدنا؟”
لونا : “حنا نعتمد على الجو العام… إذا حبيتونا، بنساعدكم. إذا لا… عاد شوفوا من يدلكم على الطريق.”
سارة: “لحظة! يعني أنتم بشر زينا ؟ ولا أنتم أعداء متخفيين؟”
خوخه: “هديها يابريده لا تصيرين دراما كوين عاد… حنا هنا نغيّر الجو، ونوزّن القصة شوي لان شفناها هاجّه مع مرعي وهو يكتب القصه ومتوهق .. قلنا نعدل الاوضاع شوي..!
نوف: “طيب، عطونا اللي عندكم.”
سما: نقدر نساعدكم توصلون للخطوة الجاية وندلكم الطريق… بس لازم تثبتون إنكم تستاهلون .. بنسوي لكم اختبار!
الكل بدأ يحس إن دخول الثلاثي المرح قلب الطاولة… حتى نوف وسارة صاروا يتبادلون النظرات، وكويتي صار يحك راسه متوتر.
مرعي: “اختبار؟ وش نوعه؟”
لونا: “لعبة… بس مو أي لعبة.”
سما: “لعبة الذيب.”
توكس: “لاااا، ذي اللي فيها كذب وخيانة؟ أنا سيء فيها!”
خوخه: “بالضبط! راح نختار بينكم ٣ ذيابه، والباقي قرويين. لازم تكتشفونهم قبل ينتهون منكم.”
نوف: “وإذا فشلنا؟”
سما: “تنحرمون من التلميح الجاي اللي بيدلكم على للطريق الصحيح.”
بتول: يعني حتى بلعبة ما تسهلون علينا؟
لونا: احنا توأم الثلاثي المرح، مو جمعية خيرية.
تبدأ خوخه في توزيع بطاقات اللعبة، ولا أحد يعرف من الذيب ومن القروي. تبدأ اللعبة، وكل واحد يحاول يفهم الوضع. توكس يتهم بتول، وبتول ترد عليه، ونوف تراقب بتركيز، وكويتي ساكت يحلل، ومرعي يحاول يهدي الوضع ورندا شاكه في داف ، وسارة ونودي وطيوف يتبادلون نظرات ماتطمن!
الضباب يثقل، والجو يتغير، والكل صار عارف إنهم مو بس في لعبة… هم في لعبة كبيرة فيها حياة او موت !
تعليقات
إرسال تعليق