المكان: في منطقة نائية مهجورة، فيها مباني مكسرة، تشبه سيرفر قديم معطل
الزمان: الساعة 6:06 المغرب
الوضع: جالسين يرتاحون شوي بعد ما مشوا من عند بيان والفقاعات
رندا:
هالحين كم شخص باقي لنا؟ أحس كل شوي نلقى شخص نازل من السما
كويتي :
إن شاء الله ما بقى إلا واحد…
فجأة تهتز الأرض، ويسمعون صوت طقطقة، كأن شي يتحرك بالجو
مرعي يطالع فوق:
شووووفواااااااااااااااااااااااااااااااا!
كلهم يرفعون رؤوسهم، يشوفون كرة نار نازلة من السماء، تضرب الأرض، وتنفجر زي الانفجار الخفيف، ويطلع منها دخان وبخار
من وسط الدخان…
تطلع بنت، بيدها عصا بلياردو، وعلى كتفها شنطة بوسطها وحش مونستر
تطالعهم بنظرة حادة وتقول:
من اللي للحين ما رقّاني مديرة بالقروب؟!
كويتي يفتح عيونه:
يا ساتر… طييييييف!!
نوف تمسك رندا:
هذي ترى لو زعلت، تمسحنا من الوجود
توكس:
هيييه أنتي اللي دايم ترسلين فعاليات حروف مفككه نركبها وأعلام دول وعواصم؟!
طيف:
أنا طيف… بطلة البلياردو، وسيّدة المونستر، وفتّيتة الجين وأقوى وحده بالكوره واتحدا اللي يفوز علي بالبولنق
وين قروب الإدارة؟ ليش للحين مو عندي؟!
كويتي يبلع ريقه :
طيف تكفين الحين الوقت مو مناسب نتكلم عن الإدارة، إحنا تايهين بالماضي
طيف تطالعهم وتسوي صوت طقطقة بأصابعها:
وش دخلني؟ أنا قلت لك من سنة: “عطني إدارة، وأنا أدبر أموري لو صار يوم القيامة!”
وهذا يوم القيامة قدّامك… وين الإدارة؟!
سارة:
الله يسعدك يا طيف، انتي صدق كيف قدرتي تجين؟
طيف تفتح شنطتها وتطلع ايباد:
أنا دخلت بنفسي على أنظمة بلاتو قبل لا ينفجر الزمن
سويت كود ينقلني لأي عالم ينفتح فيه نقاش عني
والظاهر، أحد فيكم ذكرني… فجيت
بتول:
يا ويلي هذي حتى الايباد جابته معها!
بيان تمد لها وردة:
تبي تصيرين مديرة القروب؟ خذي وردة السعادة!
طيف ترد بسرعة:
وع.
مرعي:
يا ناس هذي ما تصلح إلا مديرة مركز أمن سيبراني مو مديرة قروب!
كويتي :
خلاص خلاص، يا طيف،، أول ما نرجّع الزمن لمكانه… بنجلس ونتفاهم!
طيف توقف قدامه وتعطيه نظرة قوية:
كلمة رجال؟ ولا زي كل مرة؟
كويتي:
كلمة رجال!
طيف:
تمام… لو كذبت، بترجع تعيش مع الديناصورات لأني بخرب عليك الزمن مره ثانية
الكل يضحك في داخله وعرفوا ان طيف مو سهلة.
وإذا كانت نهاية العالم قربت، فوجود طيف معهم… ضمان إن النهاية ما تمر بدون قصف جبهة بكلمة “وع”
تعليقات
إرسال تعليق